Fréttir

  • Glæsileg bæting hjá Eir Sleggjukastarinn Eir Starradóttir náði að kasta sleggjunni yfir 50 metra í fyrsta skipti á móti í Kaplakrika í gær, laugardaginn 11. júní. Besta kast Eirar mældist 51,11.
    Posted Jun 12, 2016, 4:46 PM by Umf. Æskan
  • Frjálsíþróttaæfingar hefjast Frjálsíþróttaæfingar á vegum Æskunnar hefjast þriðjudaginn 14. júní kl. 13:00 og er um klukkutíma langar æfingar að ræða. Þjálfari til að byrja með verður Unnar Vilhjálmsson sem er þrautreyndur frjálsíþróttaþjálfari. Bjarki Gíslason mun síðan taka við af Unnari í júlí og verður út sumarið. Fyrst í stað verður ein æfing í viku en líklega mun þeim fjölga í tvær í júlí. Æfingarnar eru opnar öllum 6 ára og eldri og eru gjaldfrjálsar þökk sé myndarlegum styrk Kjarnafæðis til félagsins.
    Posted Jun 8, 2016, 1:02 PM by Umf. Æskan
  • Aðalfundur í kvöld Aðalfundur umf. Æskunnar verður haldinn í kvöld, þriðjudaginn 31. maí, í Valsárskóla. Á dagskránni eru hefðbundin aðalfundarstörf og eru félagar hvattir til að fjölmenna á fundinn. Nýir félagar velkomnir. Sérstaklega eru foreldrar barna og unglinga hvattir til að mæta á fundinn og koma sínum sjónarmiðum á framfæri er varða sumarstarf félagsins. Funduri!!nn hefst kl. 20:15!
    Posted May 31, 2016, 12:10 PM by Umf. Æskan
  • Tap gegn Akri D Borðtennislið Æskunnar lék sinn þriðja leik í norðurlandsriðli 2. deildar Íslandsmótsins í dag. Þrátt fyrir hetjulega baráttu tapaðist leikurinn með minnsta mun, 4-3, og hefur Æskan því tapað tveimur leikjum en unnið einn að loknum þremur umferðum í norðurlandsdeildinni. Lið Æskunnar í dag var skipað þeim Máney Sveinsdóttur, Starra Heiðmarssyni og Lindu Stefánsdóttur.
    Posted Nov 25, 2015, 2:11 PM by Umf. Æskan
  • Þorri með silfur Aldursflokkamót í borðtennis fór fram á vegum Samherja að Hrafnagili sunnudaginn 15. nóvember. Umf. Æskan átti einn fulltrúa á mótinu, Þorra Starrason sem vann silfurverðalaun í flokki 16-18 ára. Þátttaka var góð á mótinu sem heppnaðist með afbrigðum vel og óhætt að hrósa Samherjum fyrir framkvæmdina og frumkvæðið.Sigurvegarar í flokki 16-18 ára sveina, Þorri Starrason, silfur, Júlíus Fannar Thorarense, gull og Jón Smári Hansson, brons
    Posted Nov 16, 2015, 11:09 AM by Umf. Æskan
Showing posts 1 - 5 of 131. View more »







Á dagskrá